Songtext Ma mi I gufi

Ma mi

Serom In quatter col Padola,
el Rodolfo, el Gaina e poeu mi:
quatter amis, quatter malnatt,
vegnu su insemma compagn di gatt.
'Emm fa la guerra in Albania,
poeu su in montagna a ciapà ratt:
negher, Todesch 'da la Wermacht,
mi fan morire domaa a pensagh !
Poeu m'hann cataaa in d'una imboscada:
pugnn e pesciad e 'na fusilada...
Ma mi, ma mi, ma mi,
quaranta di, quaranta nòtt,
a San Vittor a ciapaa i bòtt,
dormì de can, pienn de malann
Ma mi, ma mi, ma mi
quaranta dì, quaranta nott
sbattuu de su, sbattuu de giò:
mi sont de quei che parlen nò
El Commissari 'na mattina
el me manda a ciamà lì per lì:
noi siamo, qui, non sente alcun
el me diseva 'sto'brutt terron
El me diseva -i tui compari
nui li pigliasse senza di te...
ma se parlasse, ti firmo qua
il tuo condono: la libertà!
Fesso tu sei se resti contento
d'essere solo, chiuso qua dentro ... ».
Ma mi, ma mi, ma mi,
quaranta di, quaranta nòtt,
a San Vittor a ciapaa i bòtt,
dormi de can, pien de malann
Ma mi, ma mi, ma mi
quaranta dì, quaranta nòtt,
sbattuu de su, sbattuu de giò:
mi sont de quei che parlen nò
Sont saraa su in 'sta ratera
piena de nebbia, de frecc e de scur,
sòtta a 'sti mur passen i trammi
frecass e vita del me Milan...
El coeur se streng, ven giò la sira,
me senti mai e stoo minga in peé,
cucciaa sul let in d'on canton
me par de vess propri nissun
l'è pegg che in guera staa su la tera:
la libertà la var ‘na spiada
Ma mi, ma mi, ma mi,
quaranta dì, quaranta nott,
a San Vittor a ciapaa i bott,
dormì de can, pien de malann
Ma mì, ma mi, ma mi
quaranta di, quaranta nòtt,
sbattuu de su, sbattuu de giò
mi sont de quei che parlen nò
(Gridato) Mi parli no!